नेपाल बैंक लिमिटेडको अगुवाईमा लाप्चे खोला जलबिधुत् आयोजनामा १९ अरब ६५ करोड लगानी गर्ने

नेपाल बैंक लिमिटेडको अगुवाईमा लाप्चे खोला जलबिधुत् आयोजनामा १९ अरब ६५ करोड लगानी गर्ने

Posted  141 Views updated 8 months ago

नेपालमा निजिक्षेत्रको लगानीबाट निर्माण कार्य सुरु हुन लागेको देशकै ठूलो जलबिधुत् आयोजना १६० मेगावाटको लाप्चे खोला जलबिधुत् आयोजनाको लागी आबश्यक पर्ने बित्तिय श्रोत जुटेको छ । प्रतिष्ठित ब्यापारिक घराना एम. भि. दुगड ग्रुपको मुख्य लगानी रहेको श्री नाशा हाईड्रोपावर प्रा.लि.ले प्रवद्र्धन गर्न लागेको उक्त जलबिधुत् आयोजना दोलखा जिल्लाको बिगु गाउँपालिका स्थित लाप्चे खोलामा निर्माण हुनेछ ।

रु. २६ अर्ब २० करोड लागत हुने उक्त आयोजनामा नेपाल बैंक लिमिटेडको अगुवाई रहेको बिभिन्न ९ वटा बैंक तथा बित्तिय संस्थाहरुको सहभागितामा बनेको सहवित्तीयकरणद्वारा रु. १९ अर्ब ६५ करोड भन्दा बढी लगानी गर्ने सम्बन्धि Supplementary Syndicated Credit Facilities Agreement (SSCFA) सम्झौता ऋणिका तर्फबाट नाशा हाईड्रोपावर प्रा.लि.का अध्यक्ष श्री मोतिलाल दुगड तथा बैंकहरुका तर्फबाट मिति २०७६ पौष ६ गते सोमबार बसेको सहभागि बैंक तथा वित्तीय संस्थाहरुसंगको सहवित्तीयकरण बैठकमा नेपाल बैंक लिमिटेडका प्रमुख कार्यकारी अधिकृत श्री कृष्ण बहादुर अधिकारीले एक आपसमा आदानप्रदान गर्नुभएको थियो । उक्त अवसरमा सहभागी सम्पूण र्बैक तथा वित्तीय संस्थाका अध्यक्ष-प्रमुख कार्यकारी अधिकृतहरु तथा अन्य पदाधिकारीहरुको उपस्थिति थियो ।

उक्त आयोजनामा नेपाल बैंकद्वारा रु. ५ अर्ब, नेपाल ईन्भेष्टमेण्ट बैंकद्वारा रु. ३ अर्ब ५० करोड, कर्मचारी संचयकोषद्वारा रु. २ अर्ब, राष्ट्रिय बाणिज्य बैंकद्वारा रु. २ अर्ब,  हिमालयन बैंकद्वारा रु. २ अर्ब, लक्ष्मी बैंकद्वारा रु. १ अर्ब ८८ करोड २५ लाख, नेपाल एसबिआई बैंकद्वारा रु. १ अर्ब, बैंक अफ काठमाण्डौद्वारा रु. १ अर्ब तथा कृषि बिकास बैंकद्वारा रु. १ अर्ब गरी जम्मा रु. रु. १९ अर्ब ६५ करोड २५ लाखको बित्तिय प्रबन्ध गरिएको हो ।

नेपाल बैंक लिमिटेडको संस्थागत कर्जा बिभागका प्रमुख श्री प्रदिप पाठकले संचालन गर्नुभएको उक्त कार्यक्रममा कर्मचारी संचय कोषका प्रशासक तथा हिमालयन बैंकका अध्यक्ष श्री तुलसी गौतमले स्वागत मन्तब्य ब्यक्त गर्दै यो निजि क्षेत्रद्वारा राष्ट्र निर्माणका लागी गरिएको ठूलो आयोजना भएको र यस आयोजनाको सफलता संगै अझ ठूला आयोजनामा लगानी गर्ने हिम्मत नेपाली बैंक तथा वित्तीय संस्थाहरुलाई हुने बिचार ब्यक्त गर्नु भयो ।


नेपाल बैंक लिमिटेडका अध्यक्ष श्री वासुदेव अधिकारीले नेपाली बैंकहरु त्यसमा पनि सरकारी स्वामित्वको बैंकले आयोजनाको आर्थिक, प्राबिधिक, जोखिम लगायतका बिभिन्न पक्षहरुको समग्र बिष्लेषण गरी उचित निष्कर्षमा पुगेको तथा बैंकहरुमा तरलता सहज भएको बर्तमान अबस्थामा यस आयोजनमा लगानी गर्ने निर्णय निक्षेपकर्ताको रकमको सहि उपयोग हुने बिचार ब्यक्त गर्नुभयो । उहाँले मोतिलाल दुगड आफै बैंकका अध्यक्ष रहेको हुँदा बैंक कर्जाको सही सदुपयोग हुने तथा उक्त घराना नेपालको प्रतिष्ठित औद्यिोगिक तथा ब्यापारिक घराना रहेको र यस अघि लिखु खोला जलबिधुत्आयोजना निर्माणको अन्तिम चरणमा रहेकोे हुँदा उहाँहरुको कार्यको जाँच भैसकेको, यो आयोजना पनि तोकिएको समय तथा लागतमा पूर्णहुने बिश्वास प्रकट गर्नु भयो ।  

सम्झौता कार्यक्रममा डेभलपर नाशा हाईड्रोपावर प्रा.लि.का अध्यक्ष श्री मोतिलाल दुगडले नेपाल कै हालसम्म कै ठूलो बित्तीय लगानी रहेको यस आयोजनामा नेपाल बैंक लिमिटेड तथा अन्य बैंकहरुले तिब्रताकासाथ गरेको कार्यको सह्राना गर्नुहुदै सरकारी बैंकको अग्रसरता र छोटो समयमा छिटो कार्य भएको अनुभव गर्दा सरकारी बैंकहरुमा ढिलासुस्ती हुन्छ भन्ने धारणा गलत रहेको बिचार ब्यक्त गर्नुभयो । साथै उहाँले २०७९ श्रावणसम्ममा उक्त आयोजनाबाट ब्यापारिक उत्पादन सुुरु गरिने जानकारी समेत गराउनुभयो ।

Image

n

Your reaction?

0
LOL
0
LOVED
0
PURE
0
AW
0
FUNNY
0
BAD!
0
EEW
0
OMG!
0
ANGRY
0 Comments

  • नेपाल बैंक लिमिटेडको अगुवाईमा लाप्चे खोला जलबिधुत् आयोजनामा १९ अरब ६५ करोड लगानी गर्ने
  • Thexpresstimes