नेपालको पहिलो भुक्तानी सेवा प्रदायक शिखर सम्मेलन काठमाडौंमा पुस २६ गते हुने भएको छ। 

स्विभट टेक्नोलोजिजको वित्तीय प्रविधि कम्पनी सयपत्रीले आफ्नो पहिलो वार्षिक भुक्तानी सेवा प्रदायक शिखर सम्मेलन काठमाडौंको हायात प्यालेसमा गर्न लागेको हो । 

कार्यक्रमले भुक्तानी सेवा प्रदायक उद्योगको पछिल्लो प्रवृत्ति र विकासका बारेमा छलफल गर्न उद्योगी व्यवसायी र राजनीतिज्ञहरूलाई एकै ठाउँमा ल्याउने छ ।

कार्यक्रममा प्रमुख विशेषज्ञहरूसँग प्यानल छलफलका साथै भारत पेका संस्थापक अशनीर ग्रोभर मुख्य वक्ता रहने कम्पनीले जनाएको छ। 

भारत पे एक वित्तीय प्रविधि कम्पनी हो जसले व्यापारीहरूलाई डिजिटल भुक्तानीहरु स्वीकार गर्न प्लेटफर्म प्रदान गर्दछ। यस कार्यक्रममा सहभागीहरूले आफ्ना साथीहरूसँग नेटवर्क गर्ने र अनुभव आदानप्रदान गर्ने अवसर प्राप्त गर्नेछन्। 

‘हामी एक शिखर सम्मेलनको आयोजना गर्न पाउँदा र त्यस्ता प्रतिभाशाली व्यक्तिहरूको समूहलाई एकै ठाउँमा ल्याउन पाउँदा हर्षित छौं’, स्विभट टेक्नोलोजीकी प्रबन्ध निर्देशक समिता राना मगरले भनिन्, ‘भुक्तानी सेवा प्रदायक उद्योग निरन्तर विकसित हुँदै गइरहेको छ, र यो कार्यक्रमले व्यवसायीहरूलाई उनीहरूको अनुभवहरू साटासाट गर्न प्लेटफर्म प्रदान गर्नेछ।